اي اتنين متجوزين جداد هتلاقي الكلمه السخيفه دي بتتقالهم يبقي لسه متجوزين بقالهم شهر و يسالوهم "مافيش حاجه جايه في السكه" المقصود من الموضوع يعني ان المدام حامل و لا لا ؟... بعيد عن طريقه السؤال السمجه , انت مال امك ؟! انت مالك يا اخي يخلفو و لا لا يمكن مش عايزين يخلفو دلوقتي يمكن ما بيخلفوش اصلا انت مالك.. ما هو لو في حاجه يا هاتشوف بطن المدام قدامها مترين يا هاتلاقيهم شايلين عيل بنسبه كبيره مش هايكونو متبنينه
ليه الناس في مصر بيرسمو ليك طريق المفروض تمشي فيه .. الجامعه بعدين الجيش بعدين الشغل و يدويك تكون بقالك 3 او 4 شهور شغال و الناس تبتدي تدورلك علي عروسه بعدين تخطب يقولولك عقبال الجواز تتجوز و انت في الكوشه يقولولك عقبال العيال تجيب عيل يقولولك عقبال ما تخاويه ؟! انتو في ايه يا كفار ما كل واحد يخليه في حاله ... كل واحد عنده شغله و حياته و اهدافه ... لو عايز تتعاطف معاه فا اتمناله الخير و اتمناله اللي يخليه مبسوط و سيب الناس في حالها
