بقالي فتره كده كل ما عدي علي كشك بلاحظ نفس الحاجات الموضوع مالهوش دعوه بمنطقه معينه بس من الواضح ان اغلب اصحاب الاكشاك بتتجمع فيهم الصفات الاتيه:
- صاحب الكشك في الغالب بيبقي عنده كرش كبير جدا ما بيهلوش انه يلف 360 درجه في المحل علي طول بروفبل كده من الجنب.
- علي طول بيتكلم عن غدر الصحاب و انه هو قال ايه لصاحبه ده و هو رد عليه با ايه. و ده طبها يفسر نوعيه الاغاني بنت الكلب اللي بقت في كل حته بنسمعها
- هو الذكي الوحيد اللي بيفهم و الكوكب كله عباره عن مجموعه اغبيه.
- الزاباين بالنسباله ناس ما بتفهمش في الزوق و بتتنك عليه و مطلع ايمانه.
- هو مش راجل بيقدم خدمه مقابل فلوس لا هو وزير التموين في المربع بتاعه.
السؤال اللي بيطرح نفسه ليه احنا في مصر ما بنشتغلش و خلاص ؟ الموضوع مش علي الاكشاك بس الموضوع فينا كلنا ليه لازم نحسس الناس انني احسن حد بيعمل الخدمه الفلانيه او الموضوع الفلاني ليه ما بنشتغلش و احنا ساكتين و لازم نتكلم ليه مش بننتج و نتطور ليه ما بنرضاش نتعلم حاجات جديده ؟!
كلنا في الاخر اصحاب اكشاك!
