الأحد، 29 مارس 2015

العاهه رقم 6 : صاحب بالين كداب و صاحب تلاته منافق

  ليست هناك تعليقات

اكيد طبعا سمعت عن المثل  ده في مناسبات عديده ... انا المثل ده بيتقالي في كل مره احاول اعمل اكتر من حاجه في نفس الوقت اول مره اتقالي كان من دكتور فاضل عندي في الجامعه كان بيسالني ليه دراجاتي نزلت في امتحان .. انا عامه كنت باحكيله اني بتعلم حاجات جديده و كده و هو ربط الاتنين ببعض فا افتكر ان موضوع اتعلم حاجه جديده بياثر علي دراستي  فا قالي "صاحب بالين كداب و صاحب تلاته مناتفق".. المهم ماعلقتش ساعتها بس حاسيت ان المثل ليه دعوه بالموضوع فعلا .. بس فيه حاجه خلتني اقف و افكر هو انا كداب ؟! كداب ليه مش فاهم ؟ علشان بحاول اعمل اكتر من حاجه في نقس الوقت ... يعني بضحك علي نفسي ؟! و ولو عملت تلات حاجات في نقس الوقت هابقي منافق ؟! مش فاهم الصراحه ايه العلاقه ... يعني بكدب علي مين و بنافق مين ؟! ممكن  تكون "نفسي" هي الاجابه ؟ يعني بكدب و بنافق نفسي ؟ طب ليه ؟ يعني علشان اطور نفسي اسرع ابقي بكدب و بنافق عليها ؟ 

المجتمع ده عامة نسب الطموح فيه قليله .. ناس هاتفضل تظيط و تقول ما تقلش كده علي الشعب المصري احنا عاملنا و عاملنا ... الموضوع ببساطه ان السورين لما جم مصر عامله 15 حاجه في نفس الوقت و تفوقو علينا علشان احنا ببساطه تفكيرنا وسخ مايل للانتخه و الراحه و الاستقرار الغير مبرر ... اعملو 100000 حاجه في نفس الوقت خليكم صاحب مالين و تلاته و عشره طالما   تقدرو و حبو اللي بتعملو حتي لو بقيتو كدابين و منافقين في نظر المجتمع ... مجتمع كل همه الحكم علي الناس معاده هو ! 

ليست هناك تعليقات :

إرسال تعليق