العاهه رقم 1 : كل اللي يعجبك و البس اللي يعجب الناس !! (كل اللي يعجيك و البس اللي يعجبك و ديك ام الناس)

طبعا مش محتاج افكرك بالمثل الرهيب الفشيح "كل اللي يعجبك و البس اللي يعجب الناس" , مبدئيا المثل ده مش منطقي لان لو فضلت تاكل اللي يعجبك هاتطخن و بالتالي مش هاتعرف تلبس اللي يعجب الناس, و ثانيا ايه اللي هايحصل لما اعجب الناس ! و ثالثا انا هاعرف ازاي ان اللي هالبسه ده هايعجب الناس منين !! يعني تخيل معايا دلوقتي انك قررت تنزل تشتري هدوم ... انت واقف دلوقتي جوه المحل و لقيت قميص عاجيك هاتعرف منين انه هايعجب الناس هاتطلع الشارع و تاخد القميص معاك و تسال كل اللي رايح و اللي جاي اذا كان القميص عاجبه و لا لا ؟! 

كل اللي يعجبك, كل اللي انت شايفه مناسب ليك و لصحتك و اللبس اللي يخليك واثق من نفسك و مريحيك و سيبك من ديك ام الناس !!